Tuesday, July 5, 2022

ప్రజలందరి పండుగ దీపావళి

“దీపం జ్యోతి పరబ్రహ్మ, దీపం జ్యోతి పరాయణం!

దీపేన హరతే పాపం, సంధ్యా దీపం నమోస్తుతే!” అన్నారు పెద్దలు.

ఆశ్వయుజ బహుళ అమావాస్యను దీపావళి పర్వదినంగా దేశమంతటా ఆనందోత్సాహాలతో జరుపుకునే పండగరోజు.
దసరా పండుగలాగే దీపావళి కూడా అధర్మంపై ధర్మం గెలుపొందినందుకు, దుష్టశిక్షణ, శిష్టరక్షణ జరిగినందుకు ఆనందంతో జరుపుకునే పర్వదినంగా పవిత్రతను సంతరించుకుంది. నరక చతుర్ధశి , దీపావళి అమావాస్య అంటూ రెండురోజులు పండగ జరుపుకోవటం సాంప్రదాయం.


దీపావళి ముందురోజు నరకాసురుడనే రాక్షస వధ జరిగింది ద్వాపరయుగంలో. దుష్టశిక్షణార్ధం శ్రీకృష్ణుడుగా అవతరించిన శ్రీమహావిష్ణు తానే స్వయంగా నరకుడిని వధించకుండా ,అతనితో యుద్ధం చేయడానికి తనతో సత్యభామను కూడా తీసుకువెళుతాడు. అందుకు కారణం నరకుని చావు సత్యభామ చేతిలో వుండటమే.
స్త్రీ శక్తి స్వరూపిణి. ఆది శక్తి అపరావతారం స్త్రీ. దాన్ని సూచన ప్రాయంగా చెప్పడమే ఇందులో అంతరార్ధం కావచ్చు.
ఇందులో మరో కథ ఉంది. పురాణాల ప్రకారం నరకుడు సత్యభామకు కుమారుడవుతాడు. లోకకంటకుడైన పుత్రుని వధించినందుకు బాధపడలేదు సత్యభామ.


అతని పేరు, చరితం శాశ్వతం కావాలని కోరింది స్వామిని. తప్పు చేసిన వాడు ఎవరైనా క్షమించేది ఉండదనే సందేశం దీపావళి పండగ ఇస్తుంది.
దుఃఖం సుఖం రెంటినీ కలుపుతూ అమావాస్య నాడు వచ్చే వెన్నెల రోజు గా దీపావళి జరుపుకుంటారు.
నరకాసుర వధ ముల్లోకాలవారికి ఆనందం కలిగిస్తుంది.అప్పటినుండి నరక చతుర్ధశి నాడు అందరూ దీపాలు వెలిగించి ఇంటి గడపల దగ్గర ఉంచి రాత్రి ఉపవాస దీక్షతో జాగరణం చేసి ,మర్నాడు పర్వదినంగా ఆనందోత్సాహలతో బాణాసంచా కాల్చి ,దీపతోరణాలతో గృహాలను అలంకరించి ,రంగవల్లులను ఇండ్ల ముందు తీర్చిదిద్ది పండుగ జరుపుకోవటం ఆనవాయితీగా మారింది.


దీపావళి రోజు నీళ్లలో గంగ నిండిఉన్నట్లే , నువ్వుల నూనెలో లక్ష్మీదేవి సూక్ష్మరూపంలో నిండిఉంటుంది అనేది మన నమ్మకం. దీపావళి నాడు మహాలక్ష్మిని పూజించడం కృతయుగం నాటినుండి వస్తున్న సంప్రదాయం. అందులోనూ మట్టి ప్రమిదలలో నువ్వులనూనె పోసి,పత్తితో వత్తులు చేసి ,వాటిలో వేసి వెలిగించడం వలన ఆ దీపాలలో మహాలక్ష్మీ అంశ నిండిపోతుంది.
మాములు ప్రమిదలలో వెలిగే జ్యోతులు దీపలక్ష్మికి సంకేతాలుగా పూజింపబడటం దీపావళి పండుగ ప్రత్యేకత .
దీపం వెలుగుకు , ఙ్ఞానానికి ప్రతీక .అమావాస్య చీకట్లను పారద్రోలూతూ ఇండ్లముందు,పూజాగృహంలో వెలిగే దీపాల వరుసలు సర్వశుభాలు అనుగ్రహిస్తాయి.


దీపానికి నమస్కరించి ,లక్ష్మీదేవి స్వరూపంగా దీపాన్ని పూజించడమూ మన సాంప్రదాయమే.
దీపావళికి సంబంధించి రెండో కథ బలిచక్రవర్తికి సంబంధించినది. బలి చక్రవర్తి కూడా అసురుడే. బలిని అంతం చేయడం కోసం విష్ణువు వామనావతారం ఎత్తాల్సి వచ్చింది. మరో కథ భరత్ మిలాప్. అంటే రావణ సంహారం తర్వాత రాముడు అయోధ్య బయల్దేరి భరతుడ్ని కలిసింది కూడా ఈ రోజే అని చెప్తారు.
దీని మీద భిన్న వాదనలున్నప్పటికీ భరత్ మిలాప్ జరుపుకుంటూనే ఉంటారు.
దీపావళి గురించి ప్రచారంలో ఉన్న మరో కథ విక్రమార్క విజయం. శత్రువులందరినీ గెల్చిన విక్రమార్కుడు తన పేరు మీద శకం ప్రారంభించిన సందర్భంలో కూడా కొందరు దీపావళి జరపుకుంటారు.
దీంతో పాటు మహావీర జైనుడు నిర్యాణం పొందింది కూడా దీపావళి రోజే అంటారు జైనులు. ఆ సందర్భాన్ని పురస్కరించుకుని దీపావళి చేస్తారు వారు.


దీపానికి మన ఆధ్యాత్మిక ప్రపంచంలో చాలా ప్రాధాన్యతే ఉంది. అలాగే ప్రపంచంలో ప్రతి ప్రాంతంలోనూ దీపాలను పూజించే సాంప్రదాయం ఉంది. ఇది కేవలం ఒక ప్రాంతానికో ఒక ప్రజాసమూహానికో సంబంధించిన పండగ కాదు.
కాస్త ముందు వెనక అన్ని జాతుల వారూ దీపావళి తరహా పండగలు జరుపుకుంటూనే ఉంటారు.
సందర్భాలు ఏవైనా…దీపానికీ మానవ జీవితానికీ చాలా దగ్గర సంబంధమే ఉంది. దాన్ని ఎప్పటికప్పుడు గుర్తు చేస్తూ వెలుగు దారుల వెంట నడవమని చీకటి దారులకు గుడ్ బై చెప్పమనీ దీపావళి సందేశం ఇస్తూనే ఉంటుంది.
చెడు మీద మంచి సాధించిన విజయాన్ని జనం సెలబ్రేట్ చేసుకోవడమే దీపావళి. చెడు మీద యుద్దం చేయడానికి తమను తాము సన్నద్దం చేసుకోవడం దీపావళి పండగ ప్రజలకు ఇచ్చే సందేశం.
ప్రపంచాన్ని మంచి మార్గంలో నడిపించడానికి ఎవరికి వారు పునరంకితం కావాల్సి ఉందనే సందేశాన్ని ప్రపంచానికి అందిస్తుంది దీపావళి.
అందుకే దీపావళి సకల జనుల పండగ…

LEAVE A REPLY

Please enter your comment!
Please enter your name here

తాజా వార్తలు

బోయ‌పాటి నెక్ట్స్ ప్రాజెక్ట్ ఎవ‌రితో?

ప్ర‌స్తుతం తెలుగు సినిమా హీరోల ప‌రిస్తితి ఎలా ఉందంటే ... సిన్మా హిట్ట‌వ‌డం పాపం అమాంతం రెమ్యూన‌రేష‌న్లు పెంచేస్తున్నారు. త‌మ మీద అంత బ‌డ్జ‌ట్ వ‌ర్కౌట్ అవుతుందా లేదా అని కూడా చూడ‌డం...

ఆంధ్ర ప్రదేశ్ కొత్తగా నష్టపోయింది ఏమీ లేదు, కానీ… 

శనివారం ఉదయం నుండి దేశంలో విస్తృతంగా చర్చ జరిగింది. కేంద్ర హోమ్ మంత్రిత్వ శాఖ ఈనెల 17న ఓ సమావేశం జరుగుతోంది అని, ఆంధ్ర ప్రదేశ్ విభజన చట్టం 2014కు సంబంధించిన అంశాలపై...

రిపీట్ అవుతున్న కాంబో

పూరీ జ‌గ‌న్నాథ్ విజ‌య్ దేవ‌ర‌కొండ కాంబో రిపీట్ అవుతోంద‌న్న వార్త కొంత ఇండ‌స్ట్రీలో ఉత్సాహం నింపుతోంది. నిజానికి వీరిద్ద‌రి కాంబినేష‌న్ లో ర‌డీ అవుతున్న లైగ‌ర్ ఇంకా షూట్ మిగిలే ఉంది. అయితే...

ప‌వ‌న్ ని రెచ్చ‌గొడుతున్న ఆర్జీవీ

భీమ్లానాయ‌క్ పాన్ ఇండియా మూవీగానే కాదు పాన్ వ‌ర‌ల్డ్ మూవీగా రిలీజ్ చేయాల‌ని ప‌వ‌ర్ స్టార్ ప‌వ‌న్ క‌ళ్యాణ్ ను ఉద్దేశించి ట్వీట్ల ప‌రంప‌ర కొన‌సాగిస్తున్నారు ఆర్జీవీ.ఏపీ ప్ర‌భుత్వం సినిమా టిక్కెట్ల వ్య‌వ‌హారంలో...

దొంగ డిగ్రీతో ప్రభుత్వాన్ని మోసం చేసిన అశోక్ బాబు 

ఆంధ్రప్రదేశ్ లో ఉద్యోగ సంఘాల నేతగా విస్తృత ప్రచారం పొంది ఆ తర్వాత టీడీపీ తరపున ఎమ్మెల్సీ అయిన పరుచూరి అశోక్ బాబును సిఐడి పోలీసులు అరెస్టు చేయడాన్ని ఇప్పుడు టీడీపీ నేతలు...

విరాట‌ప‌ర్వం మార్చిలో …

నిర్మాణం పూర్తి చేసుకుని విడుద‌ల తేదీ కూడా ప్ర‌క‌టించేసిన త‌ర్వాత కోవిడ్ సెకండ్ వేవ్ కార‌ణంగా వాయిదా ప‌డ్డ విరాట‌ప‌ర్వం సినిమా మార్చిలో లైన్ లో పెట్టేయాల‌ని సురేష్ బాబు భావిస్తున్న‌ట్టు స‌మాచారం. వేణు...

ఏపీలో సినీ పరిశ్రమ అభివ్రుద్ది చెందాలి సిఎం జగన్

గత కొద్ది రోజులుగా ఏపీ ప్రభుత్వానికీ సినిమా పరిశ్రమకూ మధ్య జరుగుతున్న చర్చకు ముగింపు పలకాలని ఏపీ ముఖ్యమంత్రి జగన్మోహన్ రెడ్డి భావించారు. అదే ఉద్దేశ్యంతో ఇండస్ట్రీ అగ్రహీరోలను పిల్చి ఫీడ్ బ్యాక్...

తరలివచ్చిన తెలుగు సినిమా 

ముఖ్యమంత్రి వై ఎస్ జగన్మోహన్ రెడ్డిని కలిసేందుకు తెలుగు సినిమా అగ్రనేతలు తరలి వచ్చారు. జగన్మోహన్ రెడ్డి ముఖ్యమంత్రిగా బాధ్యతలు చేపట్టిన తర్వాత మూడేళ్ళకు తప్పని పరిస్థితుల్లో వారు వచ్చారు. సహజంగా తెలుగు...

అలియా భట్ లుక్ మారింది

సాధారణంగా హీరోయిన్లు ... తాము ఏ హీరోతో సినిమా చేస్తుంటే ఆ హీరోని పొగడ్తల్లో ముంచెత్తుతూ ఉంటారు. అలాగే తాము చేయబోయే సినిమాల్లో హీరోల గురించీ అడపాదడపా గుర్తు చేసుకుంటూ ఉంటారు. కానీ ఇప్పుడు...

బాబూ పవనూ ఎన్ని సినిమాలు లైన్లో పెడతావూ?

పవర్ స్టార్ పవన్ కళ్యాణ్ తో సినిమా చేయడానికి మరో నిర్మాత దర్శకుడు రడీ అంటున్నారు. ఆ నిర్మాత ఎవరో కాదు కోనేరు సత్యనారాయణ. డైరెక్టరూ ఆ కాంపౌండ్ మనిషే. రమేష్ వర్మ....